Təqaüd proqramları

Proqram çərçivəsində Cəmiyyətin fəaliyyət sahələrinə uyğun ixtisaslar üzrə ölkəmizdə fəaliyyət göstərən ali təhsil müəssisələrinin bakalavr və magistr pillələrində təhsil alan Azərbaycan vətəndaşı olan tələbələrə təqaüdlər təqdim olunur.

Təqaüd aşağıdakı məqsədlərlə verilir:

1. Tələbələrin təhsilə və elmi araşdırmaya marağının daha da artırılması, habelə istedadlı tələbələrin potensial bilik və bacarıqlarının real iş yerlərində aşkar edilməsi və onların sosial müdafiəsinə dəstək göstərilməsi;

2. Cəmiyyətin strateji layihələrinin gələcəkdə lazımi kadrlar ilə təmin edilməsi məqsədilə tələbələrin müəyyən edilməsi;

3. İstedadlı və təşəbbüskar tələbələrin qanunvericiliyin tələbləri nəzərə alınmaqla, Cəmiyyətin təcrübə proqramlarında iştirakı üçün şərait yaradılması və nəzəri biliklərinin real təcrübəyə çevrilməsinə köməklik göstərilməsi;

Təqaüd müsabiqəsinin şərtləri:

• Təqaüd akademik tədris ili ərzində veriləcək;
• Təqaüd, müsabiqənin ilk turu olan imtahanda uğur qazanmış və Təqaüd  Komissiyasının müsahibəsindən (2-ci tur) müvəffəqiyyətlə keçmiş tələbələrə təqdim olunur;
• Təqaüd, cəmiyyətin fəaliyyət istiqamətinə uyğun prioritet ixtisaslar üzrə təhsil alan tələbələrə şamil edilir;
• Müsabiqə, Proqramda göstərilmiş sahələr üzrə Azərbaycan Respublikasının ali təhsil müəssisələrinin müvafiq ixtisaslarında təhsil alan Azərbaycan Respublikası vətəndaşları arasında keçirilir.