Vakansiyaya dair tələblər:

• İş yerində nizam-intizamı təmin etmək və növbəti növbəyə hazırlamaq;
• Karbon ələyinə nəzarət etmək və təmizləyərək axının düzgün keçməsini təmin etmək;
• CİL çənləri arasında və ya CİL çənlərindən yüklü karbon çənlərinə karbon transferini həyata keçirmək;
• Müntəzəm olaraq HCN (hidrogen sianid) qaz ölçmələrini etmək;
• Bütün zavod üzrə dəyişkənlik göstərəbiləcək çən səviyyəsi, pH, kimyəvi maddə səviyyəsi, qatılaşma anı, qatılaşmanın yataq səviyyəsi, qatılaşmanın yataq kütləsi, qaz detektorlarının göstəricilərini, sürəti kimi kəmiyyətləri nəzarətdə saxlamaq, şərh etmək, rəhbərə məlumat vermək və gündəlik hesabatlara daxil etmək;
• Hər iki saatdan bir və ya növbə rəhbərinin tələbi ilə CİL – 1 və CİL – 8 çənlərindən nümunələr götürərək sərbəst sianidi ölçmək;
• Hər iki saatdan bir, ön qələviləşdirmə çökdürücüsünün alt axınından nümunə götürərək axının qatılaşma dərəcəsini ölçmək;
• Növbədə bir dəfə və ya növbə rəhbərinin tələbi ilə bütün CİL çənlərində həll olunmuş oksigeni ölçmək və nəticələri qeyd etmək;
• Növbədə bir dəfə və ya növbə rəhbərinin tələbi ilə bütün CİL çənlərindəki karbonu ölçmək və nəticələri qeydiyyat cədvəlində qeyd etmək;
• Növbədə bir dəfə və ya növbə rəhbərinin tələbi ilə bütün CİL çənlərinin çıxış hissələrindən bərk-maye nümunələrinin götürülməsini və onların kimya laboratoriyasına çatdırılmasını təmin etmək;
• Hər 4 saatdan bir və ya növbə nəzarətçisinin tələb etdiyi zamanlarda bütün CİL – 1 və CİL – 8 tanklarının çıxış hissələrindən qatı – maye nümunə alaraq kimya laboratoriyasına çatdırılmasını təmin etmək;
• Hər 12 saatda bir dəfə çökdürücünün alt axınından avtomatik nümunə götürücü cihazdan bərk-maye nümunəsi götürərək kimya laboratoriyasına çatdırılmasını təmin etmək;
• Hər 12 saatdan bir çökdürücünün alt axınından avtomatik nümunə götürücüdən götürülmüş nümunənin bir hissəsini ayıraraq və gündə 2 dəfə eyni qaydada götürülmüş bu nümunələri birləşdirərək ələk analizi üçün dəyirman operatoruna təhvil vermək;
• Qələviləşdirmədən öncəki çökdürücü çəninə flokulyant dozasının optimal səviyyəsini təyin etmək və lazımi nəzarəti təmin etmək;
• CİL üçün sianid dozasının optimal səviyyəsini təmin etmək və nəzarət etmək;
• CİL-ə aktivləşdirilmiş karbonun əlavə edilməsi prosesini həyata keçirmək və lazımi nəzarəti təmin etmək;
• Antiskalant doza tənzimləmə nöqtələrinə və dozanın istənilən miqdarda olub-olmamasına nəzarət etmək və ən uyğun dozanı təmin etmək;
• Növbədə ən azı bir dəfə oksigen təchizatı aqreqatlarının yoxlanılmasını təmin etmək, əks vəziyyət yarandıqda isə lazımi texniki xidmət bölməsinə və növbə rəhbərinə məlumat vermək;
• Proses başa çatdıqdan sonra karbon ötürmə xətlərinə və nasoslara nəzarəti etmək;
• Təlimatlara uyğun olaraq həftəlik nasos dəyişikliklərinin aparılmasını təmin etmək və ehtiyat nasosunu təmizləmək;
• Qırıcı, dəyirman, çökdürücü çən, CİL, detoks, kimyəvi maddə hazırlama və nəm tullantı hovuzu sahələrindən hər hansı birində kadr çatışmazlığı olduqda əməliyyat vəzifələrini yerinə yetirmək.

Tələb olunan bilik, bacarıq və səriştələr:

• Əməkdaşlıq, Məsuliyyətlilik, Çeviklik;
• Fərdi mühafizə vasitələrindən düzgün istifadə etmək bacarığı.

Tələb olunan təhsil və iş təcrübəsi:

• Müvafiq sahə üzrə orta-ixtisas və ya peşə təhsili
• Müvafiq və uyğun sahə üzrə 1 il iş təcrübəsi arzuolunandır.


İş qrafiki:

• Növbəli iş rejimi

Əmək haqqı və əlavə imtiyazlar:

• Əmək haqqı daxili prosedura və dərəcələndirməyə əsasən müəyyən edilir.
• Əməkdaşlara beynəlxalq və yerli təlimlərdə (konfranslarda) iştirak etmək imkanı yaradılır.
• Əməkdaşlara idmanla məşğul olmaq üçün müəyyən idman mərkəzlərindən limitsiz istifadə hüququ verilir.
• Nəqliyyat xidməti.
• Rəqabətli mükafatlandırma sistemi.