Əsas vəzifə və öhdəliklər:
· Sektorunun iş fəaliyyətini təşkil etmək, sektor əməkdaşları arasında iş bölgüsünü səmərəli təşkil edilməsində şöbə müdirinə dəstək olmaq;
· Sektor əməkdaşları tərəfindən tapşırıqların icra olunmasının keyfiyyətini yoxlamaq və nəzarət etmək;
· Sektor daxilində iş keyfiyyətinin qiymətləndirilməsinin mexanizmləri barədə şöbə müdirinə təkliflər təqdim etmək;
· Cəmiyyətin bütün fəaliyyət istiqamətlərini əhatə edən funksiya və proseslər üzrə daxili nəzarət sisteminin qiymətləndirilməsi və xidməti araşdırmaları səmərəli aparmaq, bu istiqamətdə Cəmiyyətin fəaliyyətinin təkmilləşdirilməsinə dair təkliflər paketi hazırlamaq və şöbə müdirinə təqdim etmək, tövsiyələrin icrasına nəzarət (monitorinq) tədbirlərini aparmaq;
· Cəmiyyətin sabit və davamlı fəaliyyətini təmin etmək məqsədi ilə Cəmiyyətin fəaliyyəti üzrə sektor tərəfindən keçirilən daxili nəzarət sisteminin qiymətləndirməsi və xidməti araşdırmalar çərçivəsində müəyyən edilmiş risklərin faktiki hala uyğunluğunu yoxlamaq, sektor əməkdaşlarının rəylərini analiz etmək və konsolidə olunmuş şəkildə şöbə müdirinə təqdim etmək;
· Cəmiyyətin əsas biznes fəaliyyətinin rəvan axımını təmin etmək üçün müəyyən edilmiş inkişaf strategiyasına riayət edilməsinə nəzarət edilməsində şöbə müdirinə dəstək olmaq;
· Cəmiyyətin resursları və ehtiyatlarından istifadənin məqsədəuyğunluğunu, düzgünlüyünü, həmçinin onlardan istifadəyə nəzarətin effektivliyini qiymətləndirmək və şöbə müdirinə təkmilləşdirmə üzrə təkliflər təqdim etmək;
· Cəmiyyətin fəaliyyətini əhatə edən müxtəlif funksiya və prosesləri, bu funksiya və proseslərin gedişatı haqqında hazırlanmış hesabatları və bu tipli digər sənədlərin düzgünlüyünü və etibarlılığının yoxlanmasını aparmaq, şöbə müdirinə təkliflər təqdim etmək;
· Güclü daxili nəzarət mühitinin qorunub saxlanılmasının təmin edilməsi ilə bağlı şöbə müdirinə təkliflər vermək, daxili nəzarət sisteminin təkmilləşdirilməsi prosesində şöbə müdirinin tapşırıqlarını icra etmək.

Tələb olunan bilik, bacarıq və səriştələr:
· Yüksək analitik təhlil, ünsiyyət, idarəetmə bacarıqları, kritik düşünmə, əməkdaşlıq, innovativlik (öz üzərində çalışma), dürüstlük, çeviklik,
· Microsoft Office və digər audit və statistik proqramlar üzrə biliklər;
· Müxtəlif peşə (CIA, ACCA, CFA və s.) kvalifikasiyalarına malik olmaq arzuolunandır.


Tələb olunan təhsil və iş təcrübəsi:
· Ali təhsil (İqtisadiyyat, Maliyyə, Hüquq, İdarəetmə və ya Mühəndislik)
· Müvafiq sahə üzrə təcrübə müddəti minimum 4 il.

İş qrafiki:
· Əməkdaşın iş qrafiki gündə 8 saatdan, həftə ərzində isə 40 saatdan çox olmamaq şərtilə həftə içi 5 gündür. Nahar vaxtı saat 13:00-dan 14:00-dəkdir.

Əmək haqqı və əlavə imtiyazlar:
· Əmək haqqı müsahibə əsnasında təyin olunur.
· Əməkdaşlara beynəlxalq və yerli təlimlərdə (konfranslarda) iştirak etmək imkanı yaradılır.
· Əməkdaşlara idmanla məşğul olmaq üçün müəyyən idman mərkəzlərindən limitsiz istifadə hüququ verilir.
· Nəqliyyat xidməti.
· Rəqabətli mükafatlandırma sistemi.

Qeyd: Namizəd şirkətin fəaliyyət göstərdiyi hasilat sahələrinə müntəzəm ezam səfərlərinə getməyə hazır olmalıdır