“AzerGold” QSC-də peşə fəaliyyətimə 2017-ci ildə geoloq olaraq başlamışam. Hər bir dağ yamacı, süxur, torpaq nümunəsi mənim üçün yeni təcrübə, inkişaf etmək üçün yeni fürsət idi. Sadəcə vəzifəmi yerinə yetirmirdim, öyrənirdim, araşdırırdım, bilik və bacarıqlarımı artırırdım. Bu, indi də belədir.  Qazandığım təcrübə, işimə duyduğum sevgi, göstərdiyim həvəsin məni daha da irəli apardığının fərqindəyəm. Çünki müxtəlif vəzifələrdə çalışaraq, yalnız peşəkarlıq deyil, həm də şəxsi inkişaf yolunda əhəmiyyətli addımlar atır, uğurlara nail oluram.

Düşünürəm ki, bu gün peşə fəaliyyətimə Geoloji kəşfiyyat şöbəsinin müdir müavini olaraq davam etməyim illər boyu atdığım kiçik, amma davamlı addımların, yorulmadan axtardığım biliklərin və işimə olan həvəsimin nəticəsidir. Hesab edirəm ki, göstərilən bu yüksək etimadı doğrultmaq üçün bundan sonra daha çox çalışmalı, öyrənməli, təcrübə toplamalı, yeni bilik və bacarıqlar əldə etməliyəm.

Kimya sahəsində qazandığım biliklər sayəsində “AzerGold” QSC-də peşə fəaliyyətinə başlamışam. 2023-cü ildən Çovdar İn­teqrəolunmuş Regional Emal Sahəsində metallurq vəzifəsində fəaliyyət göstərirəm. Bu müddət ərzində sahə üzrə nəzəri biliklərimi praktik bacarıqlarla möhkəmləndirərək, istehsalat proseslərinin müxtəlif mərhələlərində fəal iştirak etmişəm.

“AzerGold” QSC-də peşəkar inkişaf üçün geniş imkanlar mövcuddur. Şirkətin təqdim etdiyi təlimlər, daxili inkişaf proqramları sayəsində bilik və bacarıqlarımı daim təkmilləşdirməyə nail olmuşam.

Fəaliyyətim boyunca komandada effektiv əməkdaşlıq, operativ qərarvermə və texnoloji proseslərin optimallaşdırılması sahələrində təcrübə qazanmışam. Gələcəkdə də sahə üzrə dərin ixtisaslaşma və innovativ yanaşmaların tətbiqi istiqamətində fəaliyyətimi davam etdirmək niyyətindəyəm.

2023-cü ildən "AzerGold" QSC-nin CIL zavodunda növbə nəzarətçisi vəzifəsində fəaliyyətimə başlamışam.

Burada əməkdaşların fərdi inkişafı üçün yaradılan şərait və öyrənmə mühiti həm texniki biliklərimi, həm də idarəetmə bacarıqlarımı artırmağa imkan yaradıb. Şirkətin peşəkar inkişafı dəstəkləyən mühiti və geniş təlim imkanları mənə müxtəlif sahələrdə təcrübə qazanmağa və daha böyük vəzifələrdə uğurla fəaliyyət göstərməyə imkan verib.

Hazırda Çovdar İn­teqrəolunmuş Regional Emal Sahəsində metallurq vəzifəsində fəaliyyətimi davam etdirirəm. Əldə etdiyim təcrübə sayəsində istehsalatın effektivliyinin artırılması və proseslərin optimallaşdırılması sahəsində aktiv rol oynayıram. Bu, mənim peşəkar inkişafımın davamlı və hərtərəfli şəkildə irəlilədiyini göstərir və gələcəkdə də daha böyük vəzifələrdə uğurla fəaliyyət göstərmək üçün əlavə motivasiya yaradır.

Peşəkar inkişaf yolum hər zaman məqsədyönlü və sistematik yanaşma üzərində qurulub. Davamlı öyrənmək, istehsalat sahəsinə dair dərin biliklər əldə etmək, təcrübə toplamaq prioritetlərim olub. Bu, peşəkar inkişafımda əhəmiyyətli rol oynayıb.

“AzerGold” QSC-də peşə fəaliyyətimə 2016-cı ildə metallurq vəzifəsində başlamışam. İstehsalat proseslərinin müxtəlif aspektlərinə dair dərin biliklər əldə edərək, həm texniki, həm də idarəetmə sahəsində əsaslı təcrübə qazanmışam.

Çovdar İn­teqrəolunmuş Regional Emal Sahəsində İstehsalat meneceri vəzifəsində çalışdığım dövrdə əldə etdiyim təcrübəni komandamla birgə istehsalatın davamlılığını və səmərəliliyini təmin etmək üçün istifadə etmişəm. Hazırda Dağ-mədən və emal sahələrinin idarəedilməsi şöbəsinin müdiri vəzifəsində çalışıram. Bu, mənim üçün həm peşəkar, həm də şəxsi inkişafımda yeni bir mərhələdir və bu etimadı layiqincə doğrultmaq əsas məqsədimdir.